+ តើបណ្តូរឧស្ម័នជាអ្វី?
បណ្តូរឧស្ម័នជាលំនាំមួយបែបដែលសារពាង្គកាយចាប់យកអុកស៊ីសែនពីបរិយាកាសហើយបញ្ចេញកាបូនឌីអុកស៊ីតទៅបរិយាកាសវិញ។
ចំពោះអាមីប និងប៉ារ៉ាមេស៊ីបណ្តូរឧស្ម័នជាមួយមជ្ឈដ្ឋានប្រព្រឹត្តទៅយ៉ាងងាយដោយ។ ឧស្ម័នឆ្លងកាត់ភ្នាសកោសិកាចូលទៅក្នុងស៊ីតូប្លាសតាមបន្សាយ។
បណ្តូរឧស្ម័នប្រព្រឹត្តទៅតាមបន្សាយរវាងកោសិកាទាំងពីរស្រទាប់នៃសារពាង្គកាយ និងមជ្ឈដ្ឋាន (ទឹក) ។
ជន្លេនដកដង្ហើមតាមស្បែក។ O2 ភាយចេញពីខ្យល់ដែលនៅក្នុងដីរួចឆ្លងតាមស្បែកសើមទៅក្នុងសរសៃប្តូរ។ ក្នុងសរសៃប្លូរអេម៉ូក្លូប៊ីនចាប់យក O2 រួចដឹកនាំទៅកាន់កោសិកានៃសារពាង្គកាយ។ ហើយឈាមដឹកនាំ CO2 ពីកោសិកាទៅកាន់ស្បែក និងចេញតាមសរសៃប្តូរទៅដីវិញ។
O2 ក្នុងខ្យល់ចូលតាមរន្ធខ្យល់ដែលនៅផ្នែកពោះតាមចំហៀងខ្លួនទាំងសងរបស់សត្វល្អិត។ ខ្យល់ចូល និងចេញពីប្រព័ន្ធបំពង់ខ្យល់ដោយសារការកន្រ្តាក់នៃសាច់ដុំទាំងអស់នៃសារពាង្គកាយ។
ត្រីដកដង្ហើមតាមស្រកី។ ស្រកីកើតឡើងពីបន្ទះពីរដែលមានរាងកោងដូចធ្នូ។ ហើយបន្ទះនីមួយៗសម្បូរដោយសរសៃឈាម។
នៅពេលដកដង្ហើមចូលសាច់ដុំដង្ហើមកន្រ្តាក់ ហើយទាញឆ្អឹងជំនីរឱ្យប៉ោងឡើង ឯសាច់ដុំសន្ទះទ្រូងស្រុតចុះធ្វើឱ្យប្រអប់ទ្រូងឡើងប៉ោង។ នៅពេលដង្ហើមចេញ សាច់ដុំដែលទាញឆ្អឹងជំនីររលាវិញ ធ្វើឱ្យឆ្អឹងជំនីរស្រុតចុះ និងសាច់ដុំសន្ទះទ្រូងងើបឡើងវិញ ហើយប្រអប់ទ្រូងរួមមកវិញ។
ចង្វាក់ដង្ហើម : ចលនាដង្ហើមដែលមានក្នុងមួយនាទី។ សម្រាប់មនុស្សពេញវ័យដែលសម្រាកមិនធ្វើការមានចលនាដង្ហើមចំនួន ១៦ដងក្នុងមួយនាទី។ ចង្វាក់ដង្ហើមប្រែប្រួលទៅតាមភេទ អាយុ និងសកម្មភាពការងារ។ សួតមានពីរដែលមានទម្ងន់សរុបប្រហែល 1300g សួតស្តាំ (700g) និងសួតឆ្វេង (600g) ចំណុះខ្យល់សរុបក្នុងសួតមានប្រហែល 5 លីត្រ។
